ചെന്നൈ: മുല്ലപ്പെരിയാര് വിഷയത്തില് പൃഥ്വിരാജിനെതിരെ വ്യാപക പ്രതിഷേധം. പൃഥ്വിരാജിന്റെ കോലം കത്തിച്ചാണ് തമിഴ്നാട്ടില് പ്രതിഷേധം. തേനി ജില്ലാ കലക്ട്രേറ്റിനു മുന്നിലായിരുന്നു പ്രതിഷേധം. അഖിലേന്ത്യാ ഫോര്വേര്ഡ് ബ്ലോക്ക് പ്രവര്ത്തകരുടെ നേതൃത്വത്തിലാണ് പ്രതിഷേധം.
 |
| വീഡിയോ കാണാന് ക്ലിക്ക് ചെയ്യു |
മുല്ലപ്പെരിയാര് അണക്കെട്ട് പൊളിക്കേണ്ട സാഹചര്യമാണ് നിലവിലെന്ന് അഭിപ്രായപ്പെട്ട് പൃഥ്വിരാജ് സാമൂഹ്യമാധ്യമത്തില് കുറിപ്പ് എഴുതിയിരുന്നു. ''വസ്തുതകളും കണ്ടെത്തലുകളും എന്താണെങ്കിലും 125 വര്ഷം പഴക്കമുള്ള അണക്കെട്ട് ഇപ്പോഴും നിലനില്ക്കുന്നതിന് ഒരു കാരണമോ ഒഴികഴിവോ അല്ല. രാഷ്ട്രീയവും സാമ്പത്തികവുമായ കാരണങ്ങള് മാറ്റിവെച്ച് ശരിയായത് ചെയ്യേണ്ട സമയമാണിത്. നമുക്ക് ഈ സംവിധാനത്തില് മാത്രമേ വിശ്വസിക്കാനേ കഴിയൂ. സിസ്റ്റം ശരിയായ തീരുമാനം എടുക്കുമെന്ന് നമുക്ക് പ്രാര്ത്ഥിക്കാം എന്നുമായിരുന്നു പൃഥ്വിരാജ് ഫേസ്ബുക്കില് കുറിച്ചത്. ഇതാണ് ഇപോള് പൃഥ്വിരാജിനെതിരെ തമിഴ്നാട്ടില് വലിയ പ്രതിഷേധത്തിന് കാരണമായത്. സാമൂഹ്യമാധ്യമങ്ങളിലും വ്യാപകമായി പൃഥ്വിരാജിനെതിരെ പ്രചാരണങ്ങള് നടക്കുന്നുണ്ട്.
